Një 36-vjeçar me inicialet L.V. është gjetur pa shenja jete pasditen e së dielës në fshatin Godanc i Epërm, në komunën e Shtimes. Rasti u raportua rreth orës 15:15 nga një qytetar që kishte njoftuar për një person të rrëzuar në tokë dhe në nevojë për ndihmë mjekësore. Pas mbërritjes së policisë dhe ekipit emergjent, u konstatua se viktima nuk kishte shenja jete. Autoritetet kanë nisur hetimet dhe kanë urdhëruar kryerjen e obduksionit në Institutin e Mjekësisë Ligjore për të sqaruar shkaqet e vdekjes, ndërsa rasti është klasifikuar si "Hetim mbi vdekjen".