Gjatë periudhës 1–23 gusht 2026, Policia Rajonale në Pejë ka shqiptuar 375 gjoba ndaj drejtuesve të motoçikletave për shkelje të ndryshme të rregullave të komunikacionit, si drejtimi pa patentë, pa regjistrim dhe pa helmetë mbrojtëse. Aktivitetet janë realizuar nga Njësiti i Trafikut Rajonal, stacionet policore dhe Njësiti për Reagim të Shpejtë, me qëllim parandalimin e aksidenteve dhe rregullimin e trafikut në rajon. Policia ka bërë të ditur se këto kontrolle do të vazhdojnë edhe në ditët në vijim, duke theksuar zero tolerancë ndaj kundërvajtësve në komunikacion. Përmes këtyre masave, autoritetet u bëjnë thirrje të gjithë pjesëmarrësve në trafik që të respektojnë rregullat për të rritur sigurinë në rrugë.