Gjatë 24 orëve të fundit, prokuroritë themelore në Kosovë kanë ngritur 44 aktakuza kundër 61 personave për vepra të ndryshme penale dhe kanë ndaluar 12 persona me urdhër të Prokurorit të Shtetit. Në këtë periudhë janë parashtruar edhe tri kërkesa për caktim të paraburgimit ndaj personave të dyshuar për vepra të ndryshme penale. Prokuroria Speciale ka ndaluar një person për veprën penale të “Shpëlarjes së parave”, ndërsa prokuroritë në Prishtinë, Prizren, Pejë, Gjilan, Gjakovë, Mitrovicë dhe Ferizaj kanë kryer ndalime dhe ngritje aktakuzash për vepra si lëndim i lehtë trupor, kanosje, dhunë në familje, vjedhje, rrezikim i trafikut publik, dhe mbajtje të paautorizuar të armëve.