Policia e Kosovës ka raportuar se gjatë 24 orëve të fundit janë regjistruar 47 aksidente trafiku, prej të cilave 21 kanë përfshirë persona të lënduar, ndërsa 26 kanë qenë me dëme materiale. Fatmirësisht, nuk është shënuar asnjë aksident me fatalitet gjatë kësaj periudhe. Për menaxhimin e trafikut dhe parandalimin e shkeljeve, janë shqiptuar gjithsej 2,270 tiketa trafiku për shkelje të ndryshme të rregullave rrugore. Në fushën e sigurisë publike, janë arrestuar 14 persona dhe 8 të tjerë janë dërguar në mbajtje, ndërsa nuk ka pasur raste të ndalimit policor apo të personave në vuajtje të dënimit.