Një grua 50-vjeçare nga Shkupi, e identifikuar si A.H.I., e cila ishte raportuar e zhdukur mëngjesin e 11 marsit, është gjetur e vdekur në lumin Vardar. Trupi i saj u nxor nga ujërat e lumit rreth orës 11:00 nga zyrtarë policorë, ndërsa një mjek i emergjencës konstatoi vdekjen në vendngjarje. Familjarët kishin raportuar largimin e saj nga shtëpia pas orës 08:00 dhe mungesën e kthimit. Me urdhër të prokurorit publik, trupi u dërgua për obduksion, ndërsa institucionet kompetente po punojnë për zbardhjen e rrethanave të ngjarjes.