Policia e Kosovës ka raportuar 51 aksidente trafiku gjatë 24 orëve të fundit, ku fatmirësisht nuk është regjistruar asnjë viktimë. Nga këto aksidente, 15 kanë rezultuar me persona të lënduar, ndërsa 36 të tjera kanë shkaktuar vetëm dëme materiale. Autoritetet kanë vijuar me kontrollet në rrugë, duke shqiptuar 2504 gjoba për shkelje të rregullave të komunikacionit. Gjithashtu, gjatë kësaj periudhe janë arrestuar 15 persona, prej të cilëve 7 janë dërguar në mbajtje dhe 3 në vuajtje të dënimit.