Gjatë një periudhe njëjavore, Zyra për Mbrojtje dhe Ndihmë të Viktimave në Kosovë ka trajtuar 53 raste të reja, ku shumica prej tyre lidhen me dhunë në familje, gjithsej 50 raste. Përveç dhunës në familje, janë raportuar edhe raste të degradimit të integritetit seksual, tentativës për vrasje dhe krimeve të luftës. Gjatë kësaj periudhe janë paraqitur 10 kërkesa për urdhër mbrojtjeje në gjykatë, 13 kërkesa për urdhër mbrojtjeje emergjente dhe dy kërkesa për urdhër mbrojtjeje të përkohshëm emergjent, ndërsa janë mbajtur gjithsej 79 seanca gjyqësore dhe 11 seanca në prokurori. Në aspektin e vendimmarrjes gjyqësore janë nxjerrë 18 aktgjykime dënuese, tri lirues dhe tri refuzuese, si dhe janë marrë nëntë vendime për kompensimin e viktimave dhe janë paraqitur katër kërkesa për kompensim nga fondi për viktima.