Një burrë 54-vjeçar me inicialet E.S. është gjetur pa shenja jete në banesën e tij në lagjen Arbana në Prizren, rreth orës 07:25 të mëngjesit. Viktima u zbulua nga një fqinj në rrugën “Enver Buqa”. Ekipet emergjente konfirmuan vdekjen në vendngjarje, ndërsa policia ka siguruar zonën dhe ka nisur hetimet për të zbuluar shkaqet e vdekjes. Me urdhër të prokurorit, trupi i pajetë është dërguar në Institutin e Mjekësisë Ligjore për ekzaminim të mëtejshëm, ndërsa rasti trajtohet si “hetim i vdekjes”.