Në 24 orët e fundit, në Kosovë janë regjistruar 56 aksidente trafiku, prej të cilave 25 kanë rezultuar me persona të lënduar, ndërsa 31 kanë shkaktuar vetëm dëme materiale. Gjatë të njëjtës periudhë, policia ka shqiptuar mbi 2,300 gjoba për shkelje të rregullave të komunikacionit, duke vijuar kontrollet intensive në rrugët e vendit. Përveç gjobave, janë arrestuar 27 persona, ndërsa shtatë janë dërguar në mbajtje dhe dy të tjerë për vuajtje të dënimit, sipas vendimeve të organeve kompetente. Policia u bën apel të gjithë pjesëmarrësve në trafik që të respektojnë rregullat dhe të tregojnë kujdes për të parandaluar aksidentet dhe për të rritur sigurinë në rrugë.