Gjatë 24 orëve të fundit në Kosovë janë regjistruar 74 aksidente trafiku, nga të cilat 28 kanë përfunduar me persona të lënduar, ndërsa 46 kanë shkaktuar vetëm dëme materiale. Policia e Kosovës ka ndërmarrë kontrolle të shtuara për rritjen e sigurisë në komunikacion dhe ka shqiptuar 2,096 gjoba për kundërvajtësit gjatë të njëjtës periudhë. Përveç gjobave, janë arrestuar 14 persona, prej të cilëve 7 janë dërguar në mbajtje. Policia apelon te të gjithë pjesëmarrësit në trafik që të respektojnë rregullat për të parandaluar aksidentet dhe për të garantuar sigurinë në rrugë.