Një burrë 81-vjeçar, me inicialet J.B., është gjetur pa shenja jete në shtëpinë e tij në rrugën “Selajdin Berisha” në Prizren. Familjarët e viktimës alarmuan policinë pasi ai nuk iu përgjigjej thirrjeve të tyre. Patrulla policore, së bashku me zjarrfikësit dhe ekipin e emergjencës, ndërhynë në banesë pasi dera ishte e mbyllur dhe nuk kishte asnjë reagim nga brenda, duke përdorur forcë për ta hapur atë. Hetuesi kujdestar dhe prokurori i shtetit janë angazhuar në vendngjarje, ndërsa hetimet për sqarimin e rrethanave të vdekjes vazhdojnë sipas udhëzimeve të prokurorisë.