Një shtetas italian rreth 81 vjeç është gjetur pa shenja jete paraditen e sotme në ambientet e një hoteli në Durrës, rreth orës 10:10. Nga këqyrja paraprake e trupit nuk janë konstatuar dëmtime apo shenja dhune që mund të kenë shkaktuar vdekjen. Trupi i pajetë është dërguar për autopsi mjekoligjore, e cila do të përcaktojë shkakun e saktë të vdekjes. Autoritetet po vijojnë hetimet dhe veprimet procedurale, ndërsa materialet iu janë referuar Prokurorisë së Durrësit për veprime të mëtejshme.