Policia Rajonale e Ferizajt ka shqiptuar 814 gjoba për tejkalim të shpejtësisë gjatë periudhës 1-15 mars 2026, në kuadër të fushatës “Shpejtësia nuk është aftësi, është rrezik”. Kjo fushatë u zhvillua nga 16 shkurt deri më 28 shkurt 2026, me moton “Mos e mat jetën me kilometra në orë”, dhe synon rritjen e sigurisë në komunikacion dhe parandalimin e aksidenteve rrugore. Policia apelon që shoferët të respektojnë kufizimet e shpejtësisë dhe të përshtatin ngasjen me kushtet e rrugës, duke theksuar se shpejtësia e papërshtatshme rrezikon jetën e të gjithë pjesëmarrësve në trafik. Kontrollet do të vazhdojnë edhe në ditët në vijim, ndërsa qytetarët ftohen të bashkëpunojnë me policinë dhe të raportojnë çdo shkelje përmes aplikacionit “Lajmëro Policinë” ose në numrat e kontaktit, me garanci për konfidencialitetin e të dhënave.