Një ngjarje tragjike ndodhi më 14 prill në Prishtinë, ku një 82-vjeçar u gjet i varur në një pemë në rrugën “Rrahman Dini”. Viktima, i identifikuar si Demir Haxholli, u pa në këtë gjendje fillimisht nga një familjare, e cila njoftoi vajzën e tij. Ato ndërhynë duke e këputur litarin dhe duke zbritur trupin në tokë. Në vendin e ngjarjes u angazhuan njësitet policore të Stacionit “Veriu”, hetuesit, forenzika dhe Instituti i Mjekësisë Ligjore, ndërsa trupi u dërgua për procedurat e mëtejshme. Me urdhër të prokurorit kujdestar, rasti është iniciuar si “Hetim mbi vdekjen”, duke dyshuar për vetëvrasje.