Afati i fundit për shpalljen e aktgjykimit ndaj Hashim Thaçit, Kadri Veselit, Jakup Krasniqit dhe Rexhep Selimit në Dhomat e Specializuara në Hagë është 22 korriku, por nuk përjashtohet mundësia e një shtyrjeje tjetër. Specialja ka argumentuar zvarritjen me kompleksitetin dhe volumin e madh të lëndës, ndërsa mbrojtja dhe njohësit e drejtësisë kritikojnë vazhdimin e paraburgimit si shkelje të të drejtave të të akuzuarve. Avokatët theksojnë se pas përfundimit të dëgjimeve dhe administrimit të provave, nuk ka arsye ligjore për vazhdimin e paraburgimit, duke kërkuar lirimin e tyre. Ndërkohë, të akuzuarit vazhdojnë të mbahen në paraburgim prej më shumë se katër muajsh pas përmbylljes së procesit gjyqësor, duke theksuar se vonesat janë të padrejta dhe po ndikojnë në të drejtat e tyre.