Në Konferencën Ndërkombëtare “Urat e kujtesës” u diskutua se gjykimet dhe dënimet për krime lufte nuk arrijnë të ndalin luftërat e ardhshme dhe nuk shërbejnë për pajtim mes popujve. Ish-prokurori i Tribunalit të Hagës, Geffrey Nice, theksoi se këto procese kanë vlerë për viktimat, por nuk ndikojnë në parandalimin e konflikteve të reja. Natasha Kandiq nga Fondi për të Drejtën Humanitare në Serbi shtoi se gjykimet nuk janë mjete efektive për të bashkuar njerëzit dhe për të siguruar paqe, duke theksuar mungesën e dëgjimit të zërit të viktimave në rajon pas përfundimit të Tribunalit të ish-Jugosllavisë.