Një 17-vjeçar nga lagjia Zinxhira në Gjirokastër është shpallur në kërkim nga policia, pasi dyshohet se ka abuzuar seksualisht me një 10-vjeçar në prani të dy fëmijëve të tjerë të mitur. Ngjarja e rëndë dyshohet të ketë ndodhur në një magazinë të braktisur pranë lagjes Zinxhira, ku viktima është marrë me forcë, lidhur me litar dhe përdhunuar. Pas ngjarjes, 17-vjeçari është larguar drejt Greqisë, ndërsa 10-vjeçari së bashku me nënën e tij kanë shkuar në polici për të bërë kallëzim. Të miturit janë intervistuar në prani të prindërve, psikologes, avokatit dhe përfaqësuesve të Njësisë për Mbrojtjen e Fëmijëve, ndërsa hetimet vazhdojnë dhe materialet i janë përcjellë Prokurorisë për veprime të mëtejshme.