Një aeroplan i vogël u rrëzua mbi çatinë e një shtëpie në Ganderkesee, në rajonin e Oldenburgut në Gjermani, duke shkaktuar vdekjen e pilotit. Ngjarja ndodhi pak pas orës 11:00 të paradites së të shtunës, ndërsa banorët e shtëpisë fatmirësisht nuk ndodheshin aty në momentin e aksidentit. Kabina e pilotit u shkatërrua plotësisht dhe mbetjet e avionit u shpërndanë përreth ndërtesës, ndërsa ekipet e emergjencës vazhdojnë kërkimet për të përcaktuar nëse kishte pasagjerë të tjerë në bord. Autoritetet gjermane kanë nisur hetimet për të zbardhur shkaqet e rrëzimit dhe për të kuptuar rrethanat e sakta të aksidentit.