Një aksident i rëndë rrugor ka ndodhur pasditen e 1 qershorit në aksin Shupenzë-Ura e Topojanit, në vendin e quajtur Boçevë, Bulqizë. Një makinë furgon është përplasur me një makinë tjetër, duke shkaktuar plagosjen e dy personave. Njëra nga makinat ka ngelur e varur në një pemë, situatë që ka tërhequr vëmendjen e drejtuesve të tjerë të automjeteve, të cilët kanë lajmëruar ambulancën dhe policinë. Të plagosurit janë dërguar në spitalet përkatëse, njëri në Spitalin e Traumës dhe tjetri në spitalin e Bulqizës, ndërsa policia ka nisur hetimet për zbardhjen e shkaqeve të aksidentit.