Një aksident i rëndë rrugor ka ndodhur në aksin Hoçisht-Gracë në bashkinë Devoll, ku një automjet ka dalë nga rruga dhe është përmbysur, duke u përfshirë më pas nga flakët. Në automjet udhëtonin tre të rinj, përfshirë drejtuesin, të cilët pësuan lëndime, por fatmirësisht ndodhen jashtë rrezikut për jetën. Momente paniku u regjistruan kur makina mori flakë, por kalimtarët e rastit ndërhynë shpejt duke i nxjerrë nga automjeti në flakë. Në vendngjarje mbërritën forcat zjarrfikëse të Bashkisë Devoll, të cilat shuan flakët, ndërsa autoritetet po punojnë për zbardhjen e plotë të rrethanave të aksidentit.