Një aksident i rëndë ka ndodhur në fshatin Zabel i Ulët të Drenasit, ku janë përfshirë disa automjete dhe si pasojë raportohet për persona të lënduar. Në vendin e ngjarjes kanë dalë menjëherë policia dhe ekipet emergjente për të menaxhuar situatën dhe për të ndihmuar të lënduarit. Qarkullimi në segmentin rrugor ku ndodhi aksidenti është bllokuar plotësisht në të dy drejtimet, duke shkaktuar vështirësi për udhëtarët. Deri më tani, zëdhënësja e policisë për rajonin e Prishtinës nuk ka dhënë detaje të mëtejshme lidhur me shkakun e aksidentit apo gjendjen e të lënduarve.