Pasditen e sotme në hyrje të Prishtinës, në zonën e Mazgit, ka ndodhur një aksident trafiku për të cilin policia e Kosovës është në vendngjarje dhe po rregullon qarkullimin. Deri më tani nuk ka informacione të qarta nëse ka persona të lënduar, ndërsa rrethanat e aksidentit mbeten të paqarta dhe po hetohen nga njësitet kompetente. Gazeta Sinjali ka kontaktuar Policinë e Kosovës për të marrë detaje shtesë dhe pret një përgjigje zyrtare për të sqaruar ngjarjen. Lajmi do të përditësohet sapo të ketë zhvillime të reja lidhur me këtë incident në hyrje të kryeqytetit.