Mëngjesin e sotëm, në orën 08:40, dy automjete u përfshinë në një aksident në autostradën “Arbër Xhaferi”, pranë fshatit Babush. Si pasojë e përplasjes, dy persona kërkuan ndihmë mjekësore dhe u dërguan për trajtim. Policia e Kosovës, përmes zëdhënësit Bajram Krasniqi, konfirmoi ngjarjen dhe njoftoi se njësitet e trafikut janë duke kryer procedurat e nevojshme në vendin e ngjarjes. Hetimet vazhdojnë për të sqaruar shkaqet dhe rrethanat e aksidentit.