Një aksident i rëndë automobilistik ka ndodhur në orët e para të mëngjesit në autostradën Levan–Vlorë, pranë fshatit Novoselë, ku si pasojë ka humbur jetën një i ri rreth 25 vjeç. Mjeti me targa AB009GN është përplasur me barrierat mbrojtëse anësore të rrugës, ndërsa trupi i viktimës, i identifikuar si Albi Hoxha, është gjetur pa shenja jete rreth 30 metra larg pikës së përplasjes. Ekipi i urgjencës që mbërriti në vendngjarje konstatoi vdekjen në vend të të riut, i cili është transportuar në morgun e qytetit. Autoritetet po kryejnë veprimet hetimore për zbardhjen e plotë të rrethanave të aksidentit dhe po verifikojnë nëse në automjet ndodheshin edhe persona të tjerë në momentin e ngjarjes.