Një aksident i rëndë ka ndodhur mesditën e së dielës në aksin rrugor Baldushk–Vishnje në Tiranë, ku një 28-vjeçar ka humbur jetën. Sipas njoftimeve zyrtare, drejtuesi i motomjetit, shtetasi B. Z., dyshohet se ka humbur kontrollin e mjetit dhe është përplasur me barrierat anësore të rrugës. Si pasojë e këtij përplasjeje fatale, i riu ka ndërruar jetë në vend. Autoritetet kanë nisur hetimet dhe materialet procedurale i janë referuar Prokurorisë së Tiranës për veprime të mëtejshme, ndërsa grupi hetimor vijon punën për sqarimin e plotë të rrethanave të aksidentit.