Një aksident tragjik ka ndodhur në Hessen të Gjermanisë, ku një 15-vjeçar që po drejtonte makinën e babait u përplas me mjete pune në rrugën L3185 pranë Ober-Lais. Në automjetin Mazda CX-5 ndodheshin tetë adoleshentë, dy prej të cilëve, përfshirë drejtuesin 15-vjeçar dhe një vajzë 14-vjeçare, humbën jetën si pasojë e përplasjes frontale. Të tjerët u plagosën rëndë dhe u dërguan në spitale, disa me helikopterë emergjence, ndërsa edhe dy punëtorë në kamionin e punës u lënduan. Babai i 15-vjeçarit deklaroi se djali i tij nuk kishte përvojë në drejtim dhe nuk e dinte pse kishte marrë makinën fshehurazi. Prokuroria ka angazhuar ekspertë për të hetuar rrethanat e aksidentit dhe për të rindërtuar ngjarjen.