Një ngjarje tragjike ndodhi në Bezzecca, provinca e Trentos në Itali, ku një 42-vjeçar shqiptar, Renis Domi, humbi jetën pas një aksidenti të rëndë trafiku. Ai po drejtonte një motoçikletë “Yamaha R1” kur u përplas ballë për ballë me një veturë “Renault Clio”, e drejtuar nga një 67-vjeçare që po tentonte të kthehej në rrugë. Pas përplasjes, Domi ndërroi jetë në vend, ndërsa drejtuesja e veturës u dërgua në spital në gjendje të rëndë. Në vendngjarje kanë intervenuar emergjencat dhe Policia Rrugore, e cila po heton rrethanat e aksidentit, ndërsa partnerja e viktimës, që udhëtonte pas tij, ishte dëshmitare e ngjarjes.