Të enjten në Oranienburg të Gjermanisë, një 52-vjeçar nga Tetova, T. M., humbi jetën pasi ra nga skeleti i katit të katërt në një kantier ndërtimi. Ai pësoi lëndime të rënda dhe ndërroi jetë në vendin e ngjarjes, ndërsa lajmi u konfirmua nga të afërmit e tij dhe u raportua gjerësisht edhe në mediat gjermane. Pas aksidentit fatal, autoritetet kanë nisur hetime për të përcaktuar nëse kompania përgjegjëse për kantierin kishte respektuar kushtet e sigurisë dhe mbrojtjes së punëtorëve në vendin e punës. Hetimet pritet të zbardhin rrethanat e sakta të ngjarjes, ndërsa për varrimin e të ndjerit do të ketë njoftim të mëtejshëm.