Një aksident i rëndë trafiku ka ndodhur në zonën Colli sul Velino, në kufirin mes rajoneve Lazio dhe Umbria në Itali, ku janë përfshirë një autobus, një autokamp dhe tre automjete të tjera. Si pasojë, pesë persona kanë humbur jetën dhe 27 të tjerë janë plagosur, nga të cilët tre ndodhen në gjendje të rëndë dhe janë transportuar me helikopter në spitale të specializuara. Në vendngjarje kanë intervenuar menjëherë ekipet e urgjencës, zjarrfikësit dhe forcat e policisë, të cilat kanë kryer operacionet e shpëtimit dhe kanë siguruar zonën. Autoritetet italiane po vijojnë hetimet për të zbardhur shkaqet dhe rrethanat që çuan në këtë tragjedi me pasoja fatale.