Mbrëmë në rrugën e Plastikave në Shkup ndodhi një aksident i rëndë trafiku midis një veture dhe një motoçiklete, ku si pasojë humbi jetën një 19-vjeçar shqiptar që drejtonte motoçikletën. Ekipet e Ndihmës së Shpejtë mbërritën menjëherë në vendngjarje dhe ndërmorën përpjekje intensive për reanimimin e të riut, i cili më pas u transportua me urgjencë në Spitalin e Qytetit. Pavarësisht përpjekjeve të mjekëve, vdekja e tij u konstatua në orën 23:11 të mbrëmjes. Policia ka bllokuar pjesërisht rrugën dhe po kryen hetime për të sqaruar shkaqet dhe rrethanat e aksidentit, ndërsa hetimet janë ende në vazhdim.