Një aksident tragjik ndodhi në zonën Manavgat të Antalyas, Turqi, ku një automjet me shtatë pasagjerë doli nga rruga dhe ra në një përrua, duke shkaktuar vdekjen e pesë personave dhe plagosjen e dy të tjerëve. Ngjarja ndodhi në aksin rrugor Tasayil–Derebutzhak, në lagjen Beidigin, dhe pas njoftimit të dëshmitarëve, në vendngjarje mbërritën ekipet e emergjencës, përfshirë ambulancat, zjarrfikësit dhe forcat e xhandarmërisë. Dy të plagosurit, përfshirë një grua shtatzënë, u transportuan me helikopter në spital për trajtim të mëtejshëm. Autoritetet lokale po vazhdojnë hetimet për të zbuluar shkaqet e aksidentit dhe për të marrë masat e nevojshme.