Një aksident i rëndë ka ndodhur në autostradën Interstate 95 në shtetin Virxhinia të SHBA-së, ku një autobus është përplasur me gjashtë automjete, duke shkaktuar vdekjen e pesë personave dhe plagosjen e rreth 30 të tjerëve. Ngjarja ndodhi në orët e para të mëngjesit pranë zonës së Qarkut Stafford, në një segment ku trafiku ishte ngadalësuar për shkak të punimeve në rrugë, por autobusi nuk arriti të ngadalësojë në kohë. Autoritetet raportojnë se tre nga të plagosurit janë në gjendje kritike, ndërsa hetimet janë në vazhdim për të përcaktuar rrethanat e plota dhe për të vendosur nëse do të ngrihen akuza ndaj drejtuesit të autobusit. Për shkak të aksidentit, korsitë në drejtim të jugut u mbyllën për disa orë, duke shkaktuar devijime në trafikun rrugor.