Një aksident rrugor i rëndë ka ndodhur në aksin Tepelenë-Krahës, pranë fshatit Iliras, ku dy automjete janë përplasur me njëri-tjetrin duke lëvizur në drejtim të kundërt. Si pasojë e përplasjes, tetë persona që ndodheshin në mjetet e përfshira kanë mbetur të plagosur dhe janë dërguar menjëherë në Spitalin e Gjirokastrës. Fatmirësisht, sipas raportimeve mjekësore, të lënduarit ndodhen jashtë rrezikut për jetën. Në vendngjarje kanë mbërritur forcat e Policisë Rrugore, të cilat po punojnë për të zbardhur shkaqet dhe rrethanat e aksidentit.