Një aksident trafiku ka ndodhur sot rreth orës 14:30 në fshatin Prilep të Deçanit, ku janë përfshirë tri vetura. Si pasojë e përplasjes, tre persona kanë pësuar lëndime trupore dhe janë dërguar në Spitalin Rajonal të Pejës për trajtim mjekësor. Zëdhënësi i Policisë për Rajonin e Pejës, Driton Rugova, ka konfirmuar ngjarjen dhe ka bërë të ditur se policia po vazhdon hetimet për të zbardhur rrethanat e aksidentit. Detaje të mëtejshme priten të bëhen publike pas përfundimit të procedurave hetimore.