Një aksident rrugor ka ndodhur në aksin Gjirokastër–Tepelenë, pranë zonës së Subashit, ku një automjet tip Seat me targa të Kosovës ka dalë nga rruga dhe ka përfunduar në një fushë. Në makinë udhëtonte një çift, i cili ka pësuar lëndime dhe është dërguar urgjentisht në Spitalin Rajonal “Omer Nishani” për trajtim mjekësor. Sipas burimeve mjekësore, të plagosurit janë jashtë rrezikut për jetën. Në vendngjarje kanë mbërritur forcat e Policisë, të cilat po hetojnë shkaqet e aksidentit për të sqaruar rrethanat e ngjarjes.