Sonte në rrugën “Ibrahim Mazreku” në Malishevë ka ndodhur një aksident trafiku ku janë përfshirë katër automjete. Një prej automjeteve ka dalë jashtë rrugës dhe ka goditur një zyrtar policor, i cili ka pësuar lëndime trupore dhe është dërguar për trajtim mjekësor. Për trajtim janë dërguar edhe katër persona të tjerë të përfshirë në aksident. Njësitë policore kanë dalë në vendin e ngjarjes dhe po kryejnë veprimet hetimore për të sqaruar rrethanat e aksidentit.