Një aksident i rëndë ka ndodhur në një market në Viti, ku një punëtore 27-vjeçare ka rënë nga një lartësi prej rreth tre metrash duke pësuar lëndime të rënda. Ajo ishte duke vendosur kuti në rafte mbi një mjet pirunar ngritës kur ra dhe u përplas në dysheme. Pas ndihmës së parë në Viti, ajo u transferua në Qendrën Klinike Universitare të Kosovës për trajtim më të specializuar. Prokuroria dhe Policia kanë nisur hetimet për cenimin e sigurisë në vendin e punës, duke ndaluar dy persona të dyshuar për 48 orë, ndërsa vazhdojnë përpjekjet për të sqaruar rrethanat e aksidentit dhe respektimin e masave të sigurisë.