Një aksident trafiku ka ndodhur paraditen e sotme në rrugën “Bill Clinton” në Prishtinë, ku është përfshirë një veturë dhe një këmbësor. Sipas zëdhënësit të Policisë për rajonin e Prishtinës, Enis Pllana, ngjarja ka ndodhur rreth orës 10:00 dhe ka rezultuar me lëndimin e këmbësorit. Personi i lënduar ka marrë trajtim mjekësor në vendngjarje, ndërsa rasti është duke u hetuar nga Trafiku i Kryeqytetit. Policia ka qenë menjëherë në vendngjarje për të marrë masat e nevojshme dhe për të zbardhur shkaqet e aksidentit.