Një aksident mes dy automjeteve ka ndodhur rreth orës 16:30 në rrugën Prishtinë-Podujevë, në afërsi të fshatit Lupç. Si pasojë e përplasjes, tre persona kanë pësuar lëndime trupore dhe janë dërguar për tretman mjekësor. Zëdhënësja e Policisë për Rajonin e Prishtinës, Flora Ahmeti, ka konfirmuar ngjarjen dhe ka bërë të ditur se njësiti i trafikut rajonal po merret me hetimin e rastit. Autoritetet vazhdojnë punën për të sqaruar shkaqet dhe rrethanat e aksidentit.