Mëngjesin e së premtes në Sarandë, një automjet tip “Mercedes-Benz” me drejtues një shtetas francez ka dalë nga rruga në kryqëzimin e rrugëve “Onhezmi” dhe “Skënderbeu” dhe është përplasur me barrierën mbrojtëse. Fatmirësisht, drejtuesi i mjetit ka shpëtuar pa dëmtime, ndërsa dëmet materiale janë të konsiderueshme. Policia Rrugore ka mbërritur menjëherë në vendngjarje dhe i ka kryer testin e alkoolit drejtuesit, i cili ka rezultuar negativ. Hetimet për të përcaktuar shkakun e humbjes së kontrollit të automjetit janë ende në vazhdim.