Një aksident i rëndë trafiku ndodhi dje në orën 20:00 në rrugën rajonale Kërçovë - Makedonski Brod, ku u përfshinë dy automjete pasagjerësh, një Mazda dhe një Hyundai. Shoferi i Hyundai-t, A.S., 75 vjeç nga fshati Preglovë, humbi jetën në vendin e ngjarjes, ndërsa shoferi i Mazdës, D.S., po ashtu 75 vjeç nga Kërçova, pësoi lëndime të rënda. Pasagjerët e Hyundai-t, një 15-vjeçar dhe një 21-vjeçar nga rajoni i Kërçovës, u dërguan për trajtim në Qendrën Mjekësore të Kërçovës dhe në Kompleksin Klinik "Nëna Terezë" në Shkup. Autoritetet lokale, përfshirë prokurorin publik dhe ekipin inspektues të Drejtorisë së Punëve të Brendshme të Kërçovës, kanë kryer inspektimin e vendit të ngjarjes për zbardhjen e rrethanave të aksidentit.