Ministria e Brendshme dhe Agjencia e Sigurisë Kombëtare zhvilluan një aksion të gjerë antiterror në Shkup, ku u kryen kontrolle në disa lokacione dhe u sekuestruan pajisje dixhitale. Pesë persona janë nën hetim për krijimin dhe funksionimin e një organizate terroriste, e cila përhapte propagandë xhihadiste dhe indoktrinim ideologjik në internet. Hetimi zbuloi se grupi kishte lidhje me kanale propagandistike të “Shtetit Islamik” dhe ofronte mbështetje logjistike për individë të përfshirë më parë në aktivitete terroriste. Autoritetet theksojnë se ky aksion synon parandalimin e kërcënimeve ndaj sigurisë kombëtare dhe mbrojtjen e rendit kushtetues dhe qytetarëve.