Në Prishtinë kanë nisur aksionet për shkyçjen nga rrjeti i ujësjellësit të konsumatorëve që kanë borxhe mbi 500 euro për shërbimet e ujësjellësit. Kompania Rajonale e Ujësjellësit “Prishtina” ka paralajmëruar se konsumatorët me borxhe të tilla duhet të kryejnë pagesat sa më shpejt për të shmangur shkyçjen. Në këto aksione po asiston edhe Policia e Kosovës dhe pritet që ato të vazhdojnë edhe në ditët në vijim. Qëllimi i masave është rritja e disiplinës në pagesa dhe përmirësimi i shërbimeve ndaj konsumatorëve.