Inspektorati Qendror i Punës zhvilloi një aksion inspektues në komunat veriore të Kosovës, me fokus në sektorin e ndërtimtarisë, ku u kontrolluan disa punishtet ndërtimore në rajonin e Mitrovicës Veriore. Gjatë inspektimeve në lagjen “Kodra e Minatorëve”, u evidentuan mangësi në organizimin e hapësirës së punës, sigurinë dhe dokumentacionin, duke përfshirë mungesën e shenjave të rrezikshmërisë dhe probleme me kabllot e rrymës dhe papastërtitë. Inspektorët kërkuan plotësimin e dokumentacionit brenda tri ditëve dhe paralajmëruan se do të vazhdojnë kontrollet edhe në vende të tjera nëse hasin në shkelje gjatë vëzhgimeve. Ky aksion vjen në një kohë kur në Kosovë janë regjistruar disa vdekje në vendet e punës, kryesisht në sektorin e ndërtimtarisë, duke rritur nevojën për përmirësimin e kushteve të sigurisë.