Inspektorati Qendror i Punës në Kosovë ka intensifikuar kontrollet në sektorët me rrezikshmëri të lartë, duke realizuar 46 inspektime dhe 37 ri-inspektime në të gjithë territorin. Gjatë këtij aksioni, në 17 vendpunishte të ndërtimit është ndaluar puna për shkak të shkeljeve të konstatuara, ndërsa në 9 të tjera punimet janë lejuar të vazhdojnë. Të gjitha subjektet me ndalim pune janë procesuar në gjykata për kundërvajtje, ndërsa inspektorati ka shqiptuar 20 vërejtje dhe ka regjistruar 14 raste të eliminimit të parregullsive. Ky aksion është pjesë e një përpjekjeje të vazhdueshme për të garantuar sigurinë dhe respektimin e ligjit në sektorin e ndërtimit në Kosovë.