Prokuroria Speciale e Republikës së Kosovës ka ngritur aktakuzë ndaj Sinisha Spasiqit për krime lufte të kryera më 4 prill 1999 në fshatin Reznik të Vushtrrisë. Ai akuzohet për pjesëmarrje në ofensivën ushtarake serbe, gjatë së cilës u vranë anëtarë të familjes Ujkani, u dogjën trupat e tyre dhe shtëpitë e banorëve shqiptarë. Sipas aktakuzës, Spasiq dhe bashkëpunëtorët e tij kanë ushtruar dhunë ekstreme, përfshirë torturimin e një prej viktimave dhe plaçkitjen e shtëpive, duke vepruar nën urdhërat e komandantëve të njohur tashmë të dënuar. Aktakuza është ngritur me propozim për vazhdim të paraburgimit, ndërsa rasti përbën një nga hetimet më të rëndësishme për drejtësinë e tranzicionit në Kosovë.