Prokuroria Themelore në Gjakovë ka ngritur aktakuzë ndaj të pandehurit R.E. për blerje, posedim dhe shitje të paautorizuar të narkotikëve. Sipas aktakuzës, më 8 tetor 2025, rreth orës 06:00, në Gjakovë, R.E. ka poseduar me qëllim shitjen substanca të ndaluara nga ligji. Gjatë bastisjes në shtëpinë e tij janë sekuestruar 4.67 kilogramë marihuanë. Prokurori ka kërkuar që i pandehuri të shpallet fajtor dhe të dënohet sipas ligjit për veprën penale të parashikuar në nenin 267 të Kodit Penal të Republikës së Kosovës.