Prokuroria Themelore në Pejë ka ngritur aktakuzë ndaj Brendon Ajazajt për veprën penale të tentim vrasjes, e cila ka ndodhur më 22 dhjetor 2025 në lagjen “Jarina” të Pejës. Sipas aktakuzës, Ajazaj ka tentuar me dashje të privojë nga jeta të dëmtuarin U.F., duke qëlluar pesë herë me armë zjarri, ku viktima është plagosur rëndë nga tre plumba. Gjithashtu, ai akuzohet edhe për mbajtje të paautorizuar të armëve. Prokurori i çështjes ka propozuar që gjykata ta shpallë fajtor dhe ta dënojë sipas ligjit për veprat penale që i vihen në barrë.