Të hënën në orën 14:30 do të shpallet aktgjykimi ndaj Halil, Kreshnik dhe Kastriot Mehmetajt, të akuzuar për vrasjen e tre personave në Gllogjan më 26 nëntor 2021. Ngjarja tragjike ndodhi kur Kastriot, i armatosur, qëlloi me armë zjarri në drejtim të autobusit duke vrarë shoferin Gani Gjokaj dhe dy nxënës 17-vjeçarë, ndërsa një tjetër person u plagos rëndë. Sipas aktakuzës, motivi i sulmit ishte hakmarrja ndaj shoferit, të cilin familja Mehmetaj e fajësonte për vetëvrasjen e vajzës së tyre, Heroina Mehmetaj. Gjithashtu, Halil Mehmetaj akuzohet se kishte nxitur dy djemtë e tij për këtë krim, duke i fajësuar vazhdimisht për tragjedinë familjare.