Një ish-politikan zviceran 57-vjeçar nga kantoni Aargau është akuzuar për drogimin dhe abuzimin seksual të disa grave, përfshirë një vajzë 15-vjeçare. Viktimat e kanë paditur atë, ndërsa prokuroria ka ngritur aktakuzë dhe ka sekuestruar prova të shumta, duke përfshirë pajisje me imazhe dhe video që tregojnë aktivitete kriminale serioze. Rasti u zbulua pas një incidenti në shtator 2023, ku adoleshentes i janë dhënë qetësues rreth 40 herë dhe ajo është mbajtur në një gjendje pavetëdijeje për rreth 40 orë. Ish-politikani mohon pjesë të akuzave, ndërsa hetimet vazhdojnë dhe paraburgimi i tij është zgjatur për shkak të rrethanave të rënda të çështjes.